2023 жылғы 26 қазан күні сағат 11:00-де Тараз қаласының М.Х. Дулати атындағы өңірлік университетінде мемлекет және қоғам қайраткері, ҚР ҰҒА академигі, белгілі шығыстанушы, исламтанушы шейх Әбсаттар қажы Дербісәлінің «ЗАБЫТЫЕ МЫСЛИТЕЛИ ВЕЛИКОЙ СТЕПИ (IX-XX вв.)», «Әбу Насыр әл-Фараби шетел мен Қазақстан ғалымдарының зерттеулерінде» және «Араб, парсы деректеріндегі Тараз және Таразилер (Х-ХХ ғ.)» атты кітабтарының тұсаукесері  өтеді.

Ұйымдастырушылар - «Шейх Әбсаттар қажы Дербісәлі атындағы қоры» (www.derbisali.com), Тараз қаласының М.Х. Дулати атындағы өңірлік университеті.

Іс-шараға Тараз қаласының М.Х. Дулати атындағы өңірлік университетінің ұжымы мен студент жастары, сондай-ақ, Тараз қаласының зиялы қауым өкілдері мен Академик-ғалымдары, жас ғалымдары мен студенттері, жастары, сондай-ақ орта ғасырлық Қазақстан ғалымдары мен ғылымы тарихына қызығушылық танытқан қала жұртшылығы қатысады.

Қазақстан Республикасы ҰҒА академигі Әбсаттар қажы Дербісәлі бүкіл саналы ғұмырын шығыстану, исламтану ғылымын зерттеуге және оны дамытуға арнаған. Оның көптеген ғылыми еңбектері мен шығармалары ғылыми қауым мен жалпы жұртшылыққа белгілі. Бүгін оның тағы бір ғылыми  және тарихи тұрғыдан өте құнды еңбектері жұртшылық назарына ұсынылып отыр. 

Ә. Дербісәлі ежелгі қазақ топырағының 12 ғасырын тірілтіп, сүзгіден өткізіп, беймәлім болған қазақ даласының перзенттерінің есімін елге танытып олардың еңбектерін ғылыми айналымға енгізген ғалым. Ол өмірден озғанда соңында өлмес-өшпес ғылыми мол мұрасы қалды. Ә. Дербісәлінің көзі кеткелі екі жыл ішінде үш кітабы жарық көрді: «Забытые мыслители Великой степи IX-XX вв.», «Әбу Насыр әл-Фараби шетел мен Қазақстан ғалымдарының зерттеулерінде» және «Араб, парсы деректеріндегі Тараз және Таразилер (Х-ХХ ғ.)». Іс-шараның мақсаты аталмыш кітаптардың таныстырылымын, яғни тұсаукесерін Тараз қаласының М.Х. Дулати атындағы өңірлік университетінде өткізіп, Академик, шейх Әбсаттар қажының ғылыми еңбегін халыққа, жастарға насихаттау және таныстыру.

Іс-шараның өтетін орны: Тараз қаласы, Тараз қаласының М.Х. Дулати атындағы өңірлік университеті.

Уақыты: 2023 жыл 2, қазан, сағат 11:00-де.